Watch & Download
Synopsis
Sato Takahiro ek normal office worker tha, aur free time mein bas apna favourite space shooter game khelta rehta tha. Ek din aankh khuli to wo ek spaceship ke andar tha. Aur ship bhi koi random nahi, bilkul wahi jo uske game mein hoti thi. Yahi se shuru hoti hai Reborn as a Space Mercenary: I Woke Up Piloting the Strongest Starship!, jiska Japanese naam Mezametara Saikyou Soubi to Uchuusenmochi Datta node, Ikkodate Mezashite Youhei toshite Jiyuu ni Ikitai hai. Haan, naam lamba hai.
Ye duniya bilkul uske game Stella Online jaisi hai. Space stations, pirates, aur ek empire aur federation ke beech chalti tension. Takahiro ab sabke liye Hiro hai, kyunki wahi uska game ka player name tha. Problem ye ki yaha kuch free nahi milta, aur pirates kabhi bhi attack kar dete hain. Ab yahi uski nayi life hai, to survive to karna hi padega.
Hiro ki sabse badi taakat uski ship hai, Krishna. Strongest equipment se loaded aur ekdum overpowered. Upar se Hiro ne game itna khela hai ki ship aur gear ko wo andar se jaanta hai. Jo skill tum raaton ko jaag ke game mein banate ho, wo real mein kaam aa jaye. Gamers ka dream hai ye.
Hiro ka plan simple hai. Mercenary guild mein register karo, jobs lo, pirates ko saaf karo, aur itna paisa jodo ki kisi planet pe apna khud ka ghar ho jaye. Ikkodate matlab alag apna ghar, wahi uska asli goal hai. Raste mein Mimi aur Elma uske saath jud jaati hain. Mimi ko wo ek bure situation se bacha leta hai, aur Elma ek space elf hai jo uski partner ban jaati hai. Aaram se jeena hai bas.
Honestly, iska concept mujhe pehle se pasand aa gaya tha. Overpowered MC aur space setting ek saath, vibe alag hai. Zyada heavy nahi, bas maza aata hai. Reborn as a Space Mercenary: I Woke Up Piloting the Strongest Starship! ka Hindi sub par mil jayega, watch online karna ho to wahi chale jao. Ek baar zaroor dekhna.