As a Reincarnated Aristocrat, I’ll Use My Appraisal Skill to Rise in the World Tensei Kizoku, Kantei Skill de Nariagaru

Ye ek Japanese office worker ki story hai jiski death ho jaati hai aur fir wo ek aur duniya me reborn ho jata hai, lekin is baar ek noble family ke ghar. Naya naam Ars Louvent. Uski family Summerforth Empire ke andar ek chhota sa ilaaka sambhalti hai jaha bas kuch hazaar log rehte hain. Pehle lagega ki normal isekai hai lekin thoda alag hai.

Duniya jisme Ars ne janam liya wo medieval type ki hai aur honestly kaafi kharab halat me chal rahi hai. Aam logo ki haalat gareebi me doobi hui hai aur politics itna ganda chal raha hai ki kabhi bhi kuch bhi ho sakta hai. Jab Ars thoda bada hota hai aur around ki cheezein samajhne lagta hai, use andar se yakeen ho jata hai ki war jaldi hone wali hai. Aur us waqt tak apna ilaaka taiyaar karna uski zimmedari hai.

Ab Ars me koi khaas power nahi hai, na wo bodybuilder type strong hai na koi bada magician. Uske paas bas ek skill hai jiska naam Appraisal hai. Matlab kya? Simple, wo kisi bhi insaan ko bas dekh kar uski abilities aur uske andar chhupe hue talent ke baare me jaan sakta hai. Bas dekhna hai, kaam khatam.

Isi skill ko use karke Ars decide karta hai ki wo apne ilaake ke liye best log dhundhega. Aur yahan pe is show ki asli baat hai, wo kisi ki race ya social status dekh kar decide nahi karta. Koi bhi ho, ghode ki dekhbhal karne wala banda ho ya wo banda jise sab underrated samajhte hain, agar uske andar talent dikha to Ars usko apni team me le lega. Aise hi dheere dheere uski apni ek toli banti jaati hai jo war ke liye taiyaar hoti hai.

Overall agar aap OP MC aur sirf fight scenes dekh kar thak gaye ho to Tensei Kizoku, Kantei Skill de Nariagaru ek accha change hai. Yahan dimaag chalta hai, talent hunting hoti hai aur kingdom building ka alag hi maza hai. Hindi sub me ye show par available hai, ek baar zaroor try karo.